AKASUMO KA BAKÍÍKULU ABA BANEGAGA AMISI
Aaaliko unyambala jumo. Atelíle umwana unkukulu. Isiku limo umwana ujo bantumaga kukunega amisi nabanine.
Ugwise alimpele ikipale ukuti bakannegele amisi. Bo bafíkíle kumisi umwana jula agogíle ikipale. Bo agogíle ikipale. Alibilíle mmisi ukutila ukuti ugwise naikukatata.
Agonle mmisi amasiku ntandatu kisita kugomboka pakaja. Po unna alinkubuka kumisi alinkwimba alinkuti:
Mwana, mwana ulikugu ulikugu ulikugu
Ugogíle kafulu katata katata katata,
Gwipelepe tule pa simba pa simba pa simba.
Jope umwana alinkwamula nu kwimba ukuti:
Juba juba, ndikuno ndikuno ndikuno
Ngogíle kafale katata katata katata
Nipelepetule pasimba pasimba pasimba.
Po unna gwa mwana jula alinkugomoka kukaja. Aja kumbula ugwise ukuti umwana jula aaliko kumisi. Po unna nugwise babukíle kumisi. Ugwise gwa mwana jula bo andíle ukumponya umwana jula, Umwana jula ajaga myee itolo.
Isiku lyabutatu alisíle unna mwene. Alyandíle ukukolela kangi. Umwana jula alitike. Po unna alinkolíle umwana jula nukuntwala pakaja. Ugwise ahobwike fíjo ukumbona umwanake asokwike pakaja. Agogíle ing'ombe apijíle numpunga. Abokolíle abandu boosa ukuti ababule ukuti umwanangu asokwike. Abandu balibingi lwaja lusalo lunywamu fíjo pa nnyambala jula. Abandu bahobwike fíjo. Banwíle nukulya. Po umwana jula alinkumwaga unnyambala alinkwegigwa. Kaja kampyenyúle. 0
3 comments:
ndafijo mundu nyambala, long time hii external ya kwetu iliniondoko panandi
ukuyova sya naloli mwana wa vandu ukuntila unkulumba po kanunu
well done mpoki
ukujoba isyanaloli kufuma mundumbula jangu akasumo aka kangumbwisye kutali fijo. ngukumbuka akasumo aka ambangile umwisukulu gwangu bo ndi nnini. kangi apa ukatwele lilino niinogwinne fijo ukuti akasumo aka kikumwanyiswa ukuti linga tusobile tungatiilaga ukugwa ulupi ku aba tubasobile.
nice one ha! ha! ha!
Post a Comment